بسبب أمنيته بالعيش بالسعودية.. حسن الرداد يوضح حقيقة تصريحه

علق الفنان حسن الرداد في برنامج “الحكاية” مع الإعلامي عمرو أديب على الانتقادات التي وجهت له بسبب التصريح المنسوب إليه حول أمنيته بالعيش في السعودية لأنها ملتقى الفن، على هامش حفل الـ Joy Awards.

وقال: “الدفا والمعاملة اللي الواحد شافها في السعودية غير طبيعية أنا فنان مصري عربي بعمل أفلام ومسرحيات بتتعرض في السعودية وفي أي دولة عربية وبتشرف إن أفلامي بتتعرض في الدول العربية وفي السعودية وسعيد وأحب أعيش في السعودية زي ما أحب أعيش في مصر”.

وتابع: “وايه المشكلة إن الواحد يقول أحب أعيش في السعودية، فيه حد ميحبش يعيش في السعودية؟ ده بلد جميلة زي ما ناس كتيرة تحب تعيش في مصر، مش فاهم إيه المشكلة يعني الواحد بقى لو كان قال مثلا أنا عايز أعيش في بلد بقى معادية لمصر أو عايزة تدمر مصر كان بقى الناس إيه تفرح؟ .

واستكمل: السعودية البلد الجميلة اللي فيها المسجد النبوي والحرم المكي ومحتضنانا كلنا، معرفش الناس زعلانة ليه كده”.