مسلسل الاختيار 3 الحلقة 15 .. أحمد عز يطلب من ميرنا نور الدين مقابلة والدها

شهدت الحلقة 15 من مسلسل الاختيار 3 خطة الجماعة الإرهابية، حين فكروا في إنشاء مجمع مدني في قصر الرئاسة بعابدين ليكون تابعا لمكتب الإرشاد.

ودار حوار بين أحمد عز وميرنا نور الدين التي تجمع بينهما قصة حب ضمن أحداث المسلسل، حيث أكد لها أنه غيور جدا، وطلب منها مقابلة والدها بعد رجوعه من سيناء وتحديد ميعاد له.

عز
وعقد العقيد مصطفى ضابط المخابرات الحربية، ويجسد دوره الفنان أحمد السقا، مع ضباطه اجتماعا لسماع تسجيل مهم لعناصر تكفيرية.

وتناولت الحلقة الخامسة عشرة من مسلسل الاختيار 3 تسريبا ظهر فيه القيادي بالإخوان محمد مرسي ومرشد الجماعة الإرهابية محمد بديع، وهو يتحدث عن القيادي بحركة 6 أبريل أحمد ماهر ودار كلام بين مرسى والمرشد كالتالى:

مرسي: المسألة لا تتجاوز 500 – 600 ألف مش أكتر من كده.. الأولتراس مزود عدد المشاركة و6 أبريل لما يجمعوا أنفسهم، أحمد ماهر يوم الجمعة لما الإخوان اتكاتروا على الساعة 6 بعد الساعة 4 دي جه يقول ياجماعة الواد رجع في كلامه.. بعد ما كان عمال يقول.. الأخ سامعه بوداني بيقوله دي فرصتنا.

المرشد: نكسر الإخوان

مرسي: أحمد ماهر اللي عمال يعمل كده

المرشد: بيوشوشوا لبعض والله، قاله دي فرصتنا نكسر الإخوان.

مرسي: لما بدأ الناس تيجي العيال فاضية بتاخد فلوس أومال بياكلوا منين دول.

المرشد: لأ وبقالهم وضعية والناس كلها بتتكلم عليهم

مرسي: وبعدين يعمل كده دلوقتي وهتلاقيه الساعة 10 طالع في الفضائيات وعمال يوزع الاتهامات والتوجيهات المسألة دي عايزة تتلم

وتناولت الحلقة الخامسة عشرة من مسلسل الاختيار3 مشهدا بين القيادي الإخواني خيرت الشاطر “خالد الصاوى” ووزير الدفاع الفريق أول عبد الفتاح السيسي “ياسر جلال”، وطلب الأول مقابلة اللواء حجازي مدير المخابرات الحربية ليجد أمامه الفريق السيسي.

وقال السيسي للشاطر: “نبعت نجيب غداء.. إزيك وإزي الأسرة، وبعدها غادر الشاطر المكان وقال السيسي: فاكرنا تلامذة.