بحبك يا أطيب رجل في العالم.. إيمي تسترجع ذكرياتها مع سمير غانم

 عبرت الفنانة إيمي سمير غانم، عن حزنها الشديد بعد وفاة والدها، واسترجعت ذكرياتها معه على حسابها الشخصي على “إنستجرام”. 

وكتبت إيمي: “يا حبيبي بحبك يا أطيب راجل في العالم، ربنا يرحمك يا بابي وتكون في الجنة إن شاء الله”.

وتابعت: “علي قد طيبتك وقلبك الأبيض ربنا يغفرلك، ويطمنا عليك وتكون سعيد ومرتاح زي ما دايما كنت بتخلينا مبسوطين وعمرك ما زعلت حد، حتي اللي كان يجي عليك كنت بتسامحه في وقتها وعمرك ما كلمت حد بطريقة وحشة أبدًا أبدًا، ودايمًا شايل هم كل اللي حواليك وحتي اللي بيشتغلوا معاك واحد واحد عارفين جمال شخصيتك وطيبتك”.ثم تحدثت حول علاقته بها هي وشقيقتها دنيا قائلة: “أنا ودنيا عمره ما زعق لينا ولا كلمنا بطريقة تخوف حتي وإحنا اطفال (راجل طيب طيب طيب يارب أشوفك تاني).

ثم ختمت حديثها بتوجيه الدعاء له بقولها “اللَّهُمَّ إِنَّ سمير ابن فتحية فِي ذِمَّتِكَ، وحَبْلِ جِوَارِكَ، فَقِهِ مِنْ فِتْنَةِ القَبْرِ وَعَذَابِ النَّارِ، وأَنْتَ أهْلُ الوَفَاءِ والحَقِّ، فاغْفِرْ لَهُ، وارْحَمْهُ، إِنَّكَ أَنْتَ الغَفُورُ الرَّحِيمُ، اللهم اجعل في قبره بهجه و سرور يا رب”