خالد النبوي يتصدر تويتر بعد حوار الـ dmc

وجاءت بعض تعليقات المتابعين كالتالي: “العجوز الذى غار منه الشباب .. نجم مصر العالمي.. منور التايم لاين.. نجم النجوم في الوطن العربي..#خالد_النبوي انت جزء من حدوتتنا الفنية وتراثنا.. أستاذ خالد النبوي فعلا،اللي ينطبق عليه أنا المصري ومفيش غيري”.

حفل موكب نقل المومياوات الملكية

وكان الفنان خالد النبوي، كشف كواليس اشتراكه في فيلم “مصر الحضارة” الذي عرض في حفل موكب نقل المومياوات الملكية، كما فجر مفاجأة عن الكوفية التي ارتداها في المعبد اليهودي.

وقال خلال لقائه ببرنامج “مساء دي ام سي” الذي يقدمه الإعلامي رامي رضوان بقناة “دي إم سي”:” أشكر وزير السياحة خالد العناني والمنتج محمد السعدي اللي وفر كل الإمكانيات والمخرج تامر العشري، وأنا فرحان أوي باليوم كله لأنه فكر الناس إحنا مين وحقيقتنا إيه وإن إحنا نقدر ننتج بهذه العظمة مثل كل عمالقة السينما المصرية نموذج”.

واستطرد،يوم نقل المومياوات قلت لهم إن مش حاسس إن الرسالة مش واصله أوي وفين الروح والشريط الصوتي لازم يكون معبر عن الجزء المرئي، فالوزير قاللي إحنا واثقين فيك واللى عايز تعمله أعمله”.

كوفية المعبد اليهودي

وعن كوفية المعبد اليهودي قال: “صورنا 4 أيام تصوير وكل يوم كان يحتاج أسبوع تحضير، والكوفية في المعبد اليهودي فرعوني وكان اقتراح الإستايلست ياسمين عيسي وعجبني، ولقيتها جايبة 50 كوفية فلقيت اللى لبستها فرعونية وعليها حروف فرعوني وأخري كان سيناوي واللى قالوا انها كوفية فلسطينية ده يوري الضمير العربي شكله إيه فلسطين عربية ومش هنهزر وساعات الناس يخدوا هدنة والرسول اخد هدنة ولكن الأمور لازم تبقى واضحة، ولما روحت المعبد اليهودي قالولي دي الوصايا العشر وقلت لهم هقف هنا وأقرأ الوصايا العشر فلقيت راجل نوبي جميل أسمر اسمه عم عبد النبي وعرفت أنه مشرف على المعبد من 35 سنة وسجلت معاه لقاء ومكنش متحضر بس الراجل ده قال رسالة مصر كلها، وقلت له مفكرتش أنك مسلم وبتشرف على معبد يهودي فقالي كلنا بني اَدمين، لكن عم عبد النبي مكنش جزء من قصة الفيلم”.

كما قال الفنان خالد النبوي، إنه يتطلع لتجسيد شخصية الفريق سعد الدين الشاذلي بعد دور “طومان باي” في مسلسل “مالك النار”.

نور خالد النبوي

وعن رأيه في موهبة ابنه “نور”، قال:”أنا بدلعه وبقوله “بينو” وجدته كانت بتقوله “بني” ولم يخطر علي بالي إن ابني يطلع ممثل، وقلت لابني أنت تتعلم كويس أوي وتروح فرنسا تكمل العلام بتاعك فطلعلي بحكاية علوم الكمبيوتر فمنجحش فقلت له روح مع أخوك اقتصاد فمنجحش فقاللى أنا مليش إلا في التمثيل وشغال في دار عرض مسرحي بعد الظهر وبالليل، فقلت له أنا مليش في الواسطة فرحنا أمريكا إجازة فتم قبوله هناك وأول سنة عمل مسرحية وثاني سنة عمل مسرحية”.

وتابع: “صدقت وآمنت بموهبة ابني نور في مشهد استشهاد البطل أحمد شوشة، واللحظة دي قلت لا يمكن تحصل إلا لشخص مدرك للحظة وأنا فعلا رايح للموت ولازم يواجه المجرم “.