عمر كمال يفاجئ الجمهور بأغنية مع هانى عادل

شارك المطرب عمر كمال متابعيه بفيديو جمعه بالفنان هاني عادل عبر حسابه بموقع التواصل الاجتماعي Instgram.

وظهر الثنائي في الفيديو وهما يغنيان أغنية “انتي معلمة” الشهيرة لعمر كمال وحمو بيكا ولكن قام هاني كمال بغنائها مع “عمر” بدلا من “بيكا”.

واقترح عمر كمال على الفنان هاني شاكر، نقيب المهن الموسيقية، ضم مؤدي المهرجانات للنقابة في شعبة لهم.

وخلال استضافة هاني شاكر في برنامج “على مسئوليتي” الذي يقدمه الإعلامي أحمد موسى عبر قناة صدى البلد، شارك عمر كمال بمداخلة هاتفية وطرح فكرته قائلا: “أنا بنتمي للناس دول ومش بهاجمهم وبتكلم بلسانهم. أي واحد في المهرجانات بيسجل في اليوم 10 مهرجانات، وأي كلام عايز يقوله سواء كويس أو وحش، لإن مفيش عليه رقابة، والنقابة مش معترفة بيه. زي ما حضرتك كان عندك سعة صدر كبيرة لفن الراب وضميت مطربين الراب للنقابة عندنا، إحنا ممكن نعمل نفس الفكرة في المهرجانات، لو نزلت تحت مظلة النقابة هخاف أقول كلمة وحشة لإن النقابة هتوقفني”.

وأضاف: “لما أنا أنزل أشتغل لايف كل يوم مش هبقى فاضي للأستوديو وكل يوم أهبد 3 أو 4 مهرجانات. هنظم وقتي وأدخل فلوس كويسة أصرف على كليب زي أنا مثلا والفنان عبد الباسط حمودة. لكن الإقصاء للمهرجانات هيعود علينا بكارثة كبيرة”.

ورد هاني شاكر قائلا: “طبعا إحنا في النقابة معندناش شعبة مهرجانات، وهذا الفن اللي يعتمد على الإيقاع والكلام الغريب اللي بيتقال معتقدش ينفع يتعمل له شعبة. النقابة لها أصول وقواعد، وفيها ناس دارسة وأكاديميين، وفي مستوى لازم يتقدم للناس”.

اترك تعليقا

This website uses cookies to improve your experience. We'll assume you're ok with this, but you can opt-out if you wish. Accept Read More

arguments);} gtag('js', new Date()); gtag('config', 'UA-193983771-1');