فريدة فهمى بعد تكريمها من الرئيس السيسى: لو مت بكرة هكون سعيدة إنى قابلت الريس

روت المهندسة أمل مُبدى، رئيس الاتحاد الرياضى المصرى للإعاقات الذهنية، كواليس لقائها مع الفنانة القديرة فريدة فهمى، عقب تكريمها من الرئيس عبد الفتاح السيسى، اليوم الأربعاء، خلال احتفالية المرأة المصرية وعيد الأم، مشيرة إلى أنها قالت لها: “أنا كده لو مت بكرة انا سعيدة إنى قابلت الريس”.

ونشرت أمل، عبر حسابها على فيس بوك، صورا جمعتها مع الفنانة القديرة وبعض حضور الاحتفالية، صحبتها بتعليق: “عارفين دى مين يا ولاد؟.. الست الممشوقة اللى لابسه رمادى مع تاج الشعر الفضى على راسها، دى أسطورة فرقة رضا، دى فريدة فهمى، ️تواضع ورقة وشخصية”.

وأضافت: “اتكرمت من الريس النهاردة، القاعة ضجت بالتصفيق بعد ما خلصنا، كل الناس فضلت تقولها كلام حقيقى وجميل، عن العظمة والزمن الجميل وحبهم ليها، لقيتها بتقولى قوليلهم بس أحسن هاروح النهارده زى البالونة، رديت طبعا من حقك كل كلمة حلوة واكتر.. أقل منك بكتير ومفيش ربع تواضعك وجمالك”.

واستكملت: “حتى ريسنا قالها كلام حلو من اضطرابها، قالت مش فاكره منه حاجه غير إنها قالت له، أنا كده لو مت بكره انا سعيدة إنى قابلتك يا ريس، عظيمة من عظيمات مصر”.