أسامة الهادي عن مشاركته في “وبينا ميعاد”: تفاصيل الشخصيات لمستني

أعرب الفنان الشاب أسامة الهادي عن سعادته البالغة بالنجاح الذي حققه خلال الأيام الماضية بمشاركته في مسلسل “وبينا ميعاد”، إذ أنه يجسد دور “طاهر” وهو شاب يدرس الهندسة ويحب الموسيقى، وابن الفنان صبري فواز خلال أحداث العمل.

وقال أسامة هادي: “أنا مبسوط جدا بالتجربة، لأن بعد مشاركتي في مسلسل “لعبة نيوتن” كنت مستني حاجة حلوة جدا، ودي فرصة كبيرة بالنسبة لي 100%، ولكن ردود الفعل على الدور فاقت كل توقعاتي”.

وعن ترشيحه للدور أوضح: “جالي تليفون من الكاستينج دايركتور، وهو كمان اللي عملي الاختبارات في لعبة نيوتين، وقالي هات الجيتار معاك، روحت وقعدت معاه ومع المخرج هاني كمال، سمعته حاجات بالجيتار وأنا مكنتش عارف حاجة، وهم كانوا عايزين شاب ما يبنش سنه كبير”.