مشروع نور.. حلم البسطاء «طلع استديو» سخرية السوشيال ميديا “مكان مفهوش عربية فول”
أعلن رجل الأعمال هشام طلعت مصطفى عن مشروعه الجديد الذى أطلق عليه مدينة نور، وذلك بالتعاون مع هيئة المجتمعات العمرانية.
ونشرت الصفحة الرسمية لمجموعة هشام طلعت مصطفى، أن هناك إقبال غير مسبوق على الشراء في مدينة نور من قَبل المواطنين بمجرد طرح وحدات المشروع، حيث شهدت جميع فروع مبيعات طلعت مصطفى توافد عدد كبير من العملاء للحجز والشراء في المشروع الجديد ، والذي يقام على مساحة 5 آلاف فدان أمام العاصمة الإدارية الجديدة.
ونظرا للإقبال الكبير للحجز والشراء في مشروع مدينة ” نور “، قررت مجموعة طلعت مصطفى استقبال العملاء بجميع فروع المبيعات طوال أيام الأسبوع من ١٠.٠٠ صباحا إلى ١٠.٠٠ مساء .
ومن جانب أخر، علق رواد السوشيال ميديا على مشروع نور بسخرية، موضحين تفاصيل المشروع من وجهة نظرهم والتي جاءت كالآتي:
“مدينة نور.. أيها المواطن المصري المسكين”
“ظهر الامس اعلان مدينة نور هشام طلعت مصطفى قالك انه بيطرح لاول مرة مدينة لكل فئات المصريين من اول المتواضع حتى الأثرياء و دليل الكلام انك بمقدم ٣٧،٩٠٠ جنيه و قسط شهري ٣،٧٩٠ جنيه فقط لمدة ١٥ سنة هيبقا ليك وحدة سكنية في اهم مشروع بالعاصمة الادارية… المساكين الي عاوزين يلحقوا الفرصة خاصة ان اللي هيحجز في اول اسبوع ليه خصم ٥% هل اللي قالوا هشام طلعت بخصوص مقدم ٣٧،٩٠٠ و قسط ٣،٧٩٠ جنيه مش حقيقي…لا حقيقي بس مقالكش التحابيش بقا…..الوحدة دي هي عبارة عن استوديو مساحته ٦٧ متر غرفة نوم واحدة…الوحدة دي اجمالي سعرها بالتمام و الكمال من غير اشتراك النادي يا فندم ١،٦٧٧،١٦٧ جنيه.. لا استنى اكتبهولك عشان شكلك مش مصدقني ايوة مليون ستمائة و سبعة و سبعون الفا و مائة و ستة و سبعون جنيه مصري فقط لا غير….يعني حضرتك سعر المتر حوالي ٢٥ الف جنيه فقط….اكملك بس !!
هتقولي اومال فين اللي اتقال بالقسط الزهيد و المقدم البسيط هقولك انت يا مسكين هتدفع دفعة تعاقد ب ٣٧٠٠٠ و بعدها ب ٣ شهور دفعة تانية ب ٣٧٠٠٠ و بعدين تبدا اقساط اول سنة هتدفع فعلا ٣٧٩٠ جنيه و اخر السنة هتدفع دفعة سنوية ٣٧،٩٠٠ و بعدين نزود القسط كل سنة – يعني السنة الثانية القسط هيبقا ٤١٠٠ و دفعة سنوية اخر السنة ٤١،٠٠٠ و هكذا نزيد كل سنة لحد ١٥ سنة و بعدين هتدفع دفعة تأمين عند الاستلام مش عارف تقريبا ٥٠ الف في خمسين الف……طيب ايه الخلاصة ان حضرتك هتدفع ١،٦٧٧،٠٠٠ اللي هو الرقم اللي قولناه ابو مليون و ستمائة..الخ علشان تحصل على استوديو ٦٧ متر سعر المتر ب ٢٥ الف جنيه. يا بلاش”.
وتابع:” استنى بس … لسه ما قولتلكش التقيله
مافيش ولا مباني ولا اساسات ولا اي طوبة اتبنت في المشروع واي حد هايقولك غير كده قوله تعالا نروح على ارض الواقع ونتفرج”.
رواد مواقع التواصل يستخدمون الكوميكس للتعبير عن رأيهم
على الجانب الأخر استخدم رواد مواقع التواصل الاجتماعى فيس بوك وتويتر مجموعة من الصور والفيديوهات المحتوى الساخر للتعبير عن رفضهم لفكرة المشروع والأموال التى تنفق عليه ستكون باهظة للغاية فى حين أن الأمر كان يروج له على أنه مشروع الفئة المتوسطة ومحدودى الدخل.
وانتشرت فى الساعات الأخيرة على مواقع التواصل الاجتماعى عدد كبير من المنشورات التى تخص ذلك الأمر، ومنهم من رأى أن المشروع حقيقى وأن الشركة تضحى للجمهور، والأخر يرى أنه مجرد شو إعلامى والتكلفة ستكون باهظة على تلك الفئة التى تستهدفها الشركة.
وكتبت الصفحات مجموعة من المنشورات العامة والتى منها “لما تسمع إن الشقة في مشروع نور مقدمها 38 ألف جنيه وتفتكر اللي أبوك عمله زمان”
وكانت من بين التعليقات الساخرة “الاستاذ الفاضل المهندس العظيم رجل البر والتقوى والاخلاق هشام طلعت مصطفى : ما بدل ما تدفع لعمرو اديب ٣٠ مليون جنية عشان يسوق لك مشروع “نور” اللى المتر فيه من ٣٠ الى ٣٨ الف جنية (سعر المتر فى الصحراء واستلام بعد ٥ سنين كمان ?) .. كنت كلمت العبد لله كنت عملت لك احلى دعاية ومكنتش حكلفك اكتر من سندوتش فول وكوباية شاي?”.
” مشروع نور عامل شقه ٦٠ متر ب اكتر من مليون ونص تخيل تعيش ف مكان مفيهوش عربية فول تفطر من عليها الصبح”
” شابو طلعت مصطفى
أيه الجديد في مشروع نور ؟؟
الشقة ممكن تدفع تمنها على 15 سنة قسط !! سعر المتر تقريبا 17 ألف بالتشطيب على 4 سنين !! وبيوصل لـ 25 ألف على 15 سنة !! الأسعار دي مش موجودة في أي حتة !!
سعر الشقة بالميت مليون جنية بس وجه مع دموع السعادةوجه مع دموع السعادةوجه مع دموع السعادة في مستوي الشاب الي فيلم marvel وجه مع دموع السعادة”
